حالة حب .. حالة شوق .. والغضب و الحزن حاكمين عليا الطوق
يمكن جنون .. يمكن ظنون .. يمكن حب لا يمكن يكون
بحبك ومشتاقالك .. ومن يوم الفراق مفارقنيش خيالك
ورافضاك .. وعاشقاك .. بالجنون بهواك
يمكن تقول تناقض .. يمكن يكون جنوني .. يمكن يكون حزني و شجوني
محتاجالك .. ومش قادرة أقرب
بتحبني و الا بتكدب
يااااااه لو تحس شوقي ليك
يااااه لو بس ألمح طرف عينيك
كنت أقطف زهور العمر و أفردها حواليك
وعلى قد حبي ليك
مش قادرة أشوف عينيك
نفسي أسمع صوتك و أجري عليك
ومش قادرة أقرب منك و أتحرق تاني بيك
دمعتي هانت قصادك
اشتياقي ليك كبير
كأنك في الحياة الأول و الأخير
جوايا تناقض كبير
بحبك و مش عايزاك
كرهتك وانا بهواك
وحشتني ومش طايلاك
مبقتش عارفه انا عايزة ايه
حلمي كان قصة حب أسطورية
حبيب خيالي
حبيب مثالي
لكن انا عايشة في عالم الأساطير
عالم الأميرة اللي يعشقها أمير
عالم ملهوش وجود
عالم غريب ومش محدود
محتاجالك
ومش قادرة أشوفك
أو مش عايزة أشوفك
............... هتجنن ...............
منار شملول
من قطر اسكندرية القاهرة
19-6-2010
ليست هناك تعليقات:
إرسال تعليق