شوية كلام لقيته طالع من قلبي دلوقتي لا مترتب ولا متظبط ولا حاجة، طالع زي ماهو وزي ماهو كتبته ليكم عشان أشارككم احساسي الحالي
في يوم من حياتك هتفتكر شخص فاتك
وتبكي عينك عليه وترجع بذكرياتك
لعمر عشته ليه
لما يروح منك حبيبك
تديله فرصة يسيبك
وتلاقيك في الكون لوحدك
وتقول ده كان نصيبك
انه يروح منك حبيبك
وتضيع لحظة حلوة تعيشها معاه
هتفتكر زمان و اللي كان
تقول يا ريته يرجع للمكان
وتدور عليه حواليك
ماتلاقيش غير بس صورة
وكلمة واحده كمان
وتفتكر اللي راح من زمان
وتقول يا ريت يرجع لي تاني
و اعوضه اللي فات
وترجع بيك الذكريات
و تلاقي الحبيب راح ومات
والوقت عدى وفات
وتندم عليه كتير
وتبكي في وحدتك كتير
الليل حواليك فارد أنينه
القلب جواك مقتول من حنينه
الدمع هربان من عيونك
بتنطق اسمه في وحدتك
تنادي عليه و تقول يا ريته يسمعني
و تقول تعالى يا حبيب ارجع لي
عشت معاك سنيني و حنيني و زماني
ليه تستنى بُعده
ليه تقاسي بَعده
اجري عليه وقوله
بحبك بكل المعاني
ومفيش جوايا غيرك
أي حبيب تاني
قبل ما يجري بيك الزمان
ومتلاقيش لحبيبك أثر ولا عنوان
في يوم من أيام حياتك
15-5-2010
ليست هناك تعليقات:
إرسال تعليق